www.jacursoonline.it

Volìa ‘na giuvanejha

Volìa ‘na giuvanejha  e ‘li dunai lu core

E tantu chi ‘llu ‘nai,  mi catte malatu

Ijha lu sappe quando non ‘mi vitte cchjiù venire

E ‘pe la pena mi vinne a trovare

‘Nta la fhaddalejha dui portugalli mi portau

E ‘nta lu pìattu dui puma assai gentili

Ripigghiati  e rifhriscati , malatiajhu miu

Ca pe ‘nna giuvanejha non ‘ssì po’ morire

Io no  ‘mbuagghjiu no  puma e nno rifhrischi

‘ca ‘nta li vrazza tue vuagghiu ‘mu muaru

Nu jiarnu chi ‘dde l’acqua venia

Cu ‘nna lancejha ‘ntesta sta jicurzanejha

Stanca e sudata de l’acqua venia  (due volte )

Ca  io li dissi posa ‘sa lancejha

Ca ti ripuasi e ‘mmi duni mu vivu. (due volte )

Ihja mi rispundìu ‘cu ‘nna palora bella

Ca  l’acqua  no   ‘ssì duna ‘pe la vìa (due volte )

Ijha mi  disse pue camina …a passu

e  si mmi vue parrare …sai duve mi trovare (due volte )

viani a la casa ,a la casa mia  mi truavi sula

ca la mamma mia non ‘nce e mi truavi sula (due volte )

ijhu si pigghjia lu mantu e la spata

…àpari cara, ca lu ‘rre è bbenutu. (due volte )

Io sugnu chjusa e ben serrata

tu sini fhore e guardi ‘sti mura . (due volte )

à  ‘ddè  venire lu tiampu de l’uva

quando li benni donne  nescianu  fhore (due volte )

e  quandou  niasciu io , su accumpagnata

ammianzu a patremma e li tri frati mia (due volte )

e mancu si li frati tua fhusseru leuni

ammianzu tutti quattru io taju de vasare (due volte )

si  ‘ttù mi vasi la fhurca t’aspetta

e lu chjaccu ti l’annudu cu ‘sti mani mia. (due volte )

Pue  jhu mi disse addio jicurzanejha bella

Ca l’acqua non ‘ssì duna pe la via  (due volte )