Notizie Scorrevoli

ALI SUL MEDITERRANEO

ALI SUL MEDITERRANEO Per il terzo anno co... Read more

Enrico Mattei

  Enrico Mattei Alle 18,40 del 27 ottobre 1... Read more

E' Deceduto

a Portogruaro Antonio Moio Read more

E' Deceduta

La Sig.ra   Vittoria  Dattilo Read more

Per Non Dimenticare

Per Non Dimenticare ... Read more

Era il 9 Maggio 1928

  Oggi 9 maggio 1928. Un fatto del passato ... Read more

E' Deceduta

La Sig.ra Nicolina  Braccio  in  Esposito Read more

Cordoglio per la morte di Natale Amantea

  per anni già Sindaco di Maida   Read more

Tre Poesie

Oggi, in non pochi poeti calabresi che scrivono... Read more

Jacurso memorie ,racconti e personaggi del passato

Il lettore jacursano e quanti leggeranno questo... Read more

poesie di Pietro Dastoli

Valutazione attuale: / 0
ScarsoOttimo 

MARI’,CHIUDI LA PORTA

‘Nta na carrera scura e abbandonata

Duve lu sule mai chi si vidia

Nc’era na casa menza sdarrupata

Chi sulu mu la guardi…arrasu sia

 

li surici passavanu a fujuni

muarti de la pagura e de lu schjantu,

li gatti si rafhavanu a basciuni,

li cani si giravanu de cantu.

 

Fhorzi nc’era nu spirdu maledittu?

O animi dannati de lu ‘mpiarnu?

Gnornò,dha nc’era sulu gran pitittu

e friddu,’nta l’estate e ‘nta lu viarnu.

 

Appoiata a nu muru la cridenza

e ‘na majida supa nu casciune,

vacanti e misi dha pe’ l’apparenza,

lu fhocularu senza nu tizzune.

 

Nu letticiadhu viacchiu tripi tripi

cu ‘na sula cuverta,ripezzata;

a ‘na trava ,mpenduti quattru pipi;

nu cantaru de crita a ‘nnammucciata.

 

L’umidità grundava de ogne muru

guttari de lu tittu ‘nd’avia midhi,

e quando pue la sira fhacia scuru

de intru si smirvanu li stidhi

 

 

Du’ vecchjaridhi quasi novantini,

chi no’ potianu l’anima a tri biaggi,

stavanu suli ,povari scentini,

‘nta chidha casa chjna de disagi.

 

Fhore la porta supa ‘na seggiudha

nu juarnu mastru Peppe si nda stava

e chjanu chjanu,senza tanta fhudha,

la pippa cu muzzuni carricava.

 

Mariuzza ‘nculoffhiata a lu mortaru,

vicinu a Peppe ,supa lu scalune,

si dicia cittu cittu lu rosaru,

liberandu ogne tantu ‘n’alijune

 

‘Nu ‘ntinnu cupu e luangu de martuaru

‘na campana a su mentre ndolijava

tantu chi nu tremure e ‘nu languaru

chidhj povari viacchj li schiantava

 

De la strata arrivavano fhrettantu

sgrusci de tacci supa la ‘mpetrata;

si stavilia benissimo nu chjantu

de ‘na fhimmina tantu scunzulata

 

“Pecchì no’ mi sentiti mamma cara!

Gurdati quanta gente v’accumpagna,

azàti lu cuviarchju de ‘ssa vara,

ca mi dassati povara e sulagna!

 

‘Nta na casa scurusa vi ‘nda jati,

duve lu sule no’ si vide mai,

duve non c’ede nente mu mangiati

ca nc’è sulu miseria,fhriddu e guai!”

 

Mastru Peppe a la ‘ntisa de ssa vuce

S’azau al’adhirta tuttu sbavuttutu

E faciandu lu signu de la cruce

Si ‘mbicinau a Mariuzza risolutu.

 

“No’ restamu,Marì,’mmianzu la strata,

chiudi la porta cu’ la mandaledha,

ca si capisciu bona la sonata,

mo mi portanu cca sa povaredha”.

 

                                                                  Pietro Dastoli

Banner

Banner
Ora Esatta
Immagine casuale
jacurso-12.jpg
Chi è online
 20 visitatori online
Sondaggi
Quale sezione ritieni più Interessante