Buonu Capudannu
| 
| 
Buonu Capudannu
Superammi capudannu
E brimdammii a la saluti
Augurandu nu bon’annu
A l’onesti e a li cornuti.
A tamarri e zzappaturi
A fhorgiari e fhuntanieri
Abbucati e profhessuri
A custurieri e a cammerieri.
Aguramu nu bon’annu
A cui viaggia notta e jiuornu
A cui soffra nu malannu
E a cui gira sempre ntuornu.
A cui fhacia lu mpermieri
A cui fhrabbica mattuni
Putifharu o carpentieri
O pecuraru nta mudduni.
Pe’ cui è miedicu o ngegnieri
A li mpiegati comunali
A cui fha’ lu cantonieri
E a cui vinda li giornali.
Pe’ cui canta, pe’ cui sona
Pe’ cui fha lu panettieri
Pe’ la gente lazzarona
E cui lavora a lu cantieri.
Pe cui arriva cu na barca
Cu l’aereu, cu lu trenu
Nta sta terra pemmu sbarca
Pemmu po’ stara serenu.
Nui no’ simu primitivi
Ma, gienti umili e accoglienti
Ospitali e comprensivi
Sempre allegri e sorridenti.
di Ernesto Gaudino
Buon 2025 a tutti
Banner
